Gwahoddir pob hŷn ar draws Sir Benfro i gymryd rhan yng ‘Nghôr Pellennig’ SPAN.

Prosiect canu sy’n defnyddio technoleg i ddod â phobl hŷn mewn gwahanol leoliadau at ei gilydd i ganu er mwyn gwella’u hiechyd a llesiant yw’r Côr Pellennig.

Pryd? Ymunwch â Molara ar gyfer sesiwn blasu ar-lein ddydd Gwener Mehefin 25ain am 2yp gyda chyfres o sesiynau wythnosol rheolaidd i ddilyn.

Ble? Ar  Zoom yn y lle cyntaf. Rydym yn gobeithio, fodd bynnag, y byddwn yn gallu cynnal rhai sesiynau wyneb yn wyneb gan ddibynnau ar ganllawiau COVID.

Mae hwn yn brosiect a ariennir yn llawn. Cysylltwch â Nia Lewis i gofrestru diddordeb: nia@span-arts.org.uk

Prosiect canu a ddatblygwyd mewn ymateb i’r cynnydd mewn unigrwydd hirfaith a difrifol sy’n rhan o brofiad pobl hŷn yn y DU ac yn enwedig yma yn Sir Benfro lle mae gennym boblogaeth uwch na’r cyfartaledd o bobl oedrannus, lefelau uchel o ynysiad gwledig a chysylltedd gwael.

Cafodd 130 o bobl eu cynnwys, 10 ohonynt yn gaeth i’w cartrefi. Roedd cyflyrrau iechyd yn cynnwys dementia, awtistiaeth, COPD, diabetes, MS, ME ac iselder.

O ganlyniad i  ddeugain o sesiynau un-i-un a dau ddigwyddiad dathlu cyrhaeddodd y prosiect ei nodau gyda’r adborth – “yn newid bywydau”, “pwysig” “positif.”

Cafwyd profiadau o gynnydd mesuradwy mewn:

• Llesiant
• Ansawdd bywyd
• Sgiliau digidol
• Cysylltiadau Cymunedol
• Teimladau o werth
• Hyder wrth ganu

Roeddem yn falch iawn pan gafodd y prosiect ei ddefnyddio fel astudiaeth achos ar wefan Rhwydwaith Iechyd a Llesiant Celfyddydau Cymru a hefyd ei enwi mewn papur gwybodaeth y GIG

Image credit: Ruth Jones