Mae SPAN wrth eu bodd o gyhoeddi y bydd Parêd Llusernau Hwlffordd yn dychwelyd yn 2026! Ymunwch â ni wrth i ni grwydro trwy strydoedd serennog y dref ar thema Noson Galan Gaeaf, Samhain, gwyliau Cymreig a Cheltaidd sy’n nodi dechrau’r Gaeaf.

Comisiynwyd SPAN i gyflwyno paredd llusernau ar raddfa fawr yn Hwlffordd ar ddydd Gwener Hydref 30 2026.

Nod y parêd yw dod â’r gymuned at ei gilydd i ddathlu’r dref, ei phobl a Sir Benfro. Caiff y parêd a’i thema ei lunio gan y gymuned ac rydym yn chwilio am artist(iaid) i ymuno â ni ar y daith.

Gan ddechrau gyda galwad agored i artistiaid a dewis thema gan y gymuned bydd yr ymrwymiad yn parhau trwy raglen wedi’i thargedu o weithdai creu llusernau a chomisiynau llusernau mawr. Daw hyn oll i derfyn yn y parêd mawr ei hun i gyfeiliant cerddoriaeth fyw ac yn gorffen gyda pherfformiad dathlu eiconig yn seiliedig ar oleuni, gan roi enw i’r dref o ran ei hymrwymiad i ansawdd ac arloesedd ac yn gadael etifeddiaeth o falchder dinesig a chysylltiad.

Mae SPAN yn chwilio am artistiaid i gyflwyno cysyniadau gweledol ar gyfer y digwyddiad, gan ganolbwyntio ar ddylunio llusernau/pypedau mawr fel canolbwynt i’r digwyddiad.

Ysbrydolir y parêd eleni gan y thema Noson Galan Gaeaf, Samhain, y gwyliau Cymreig a Cheltaidd sy’n nodi dechrau’r gaeaf.

GALW AR ARTISTIAID

Y Broses:

Mae SPAN yn gweithio trwy gyd-greu ac yn anelu at roi llais y gymuned wrth galon y broses o wneud penderfyniadau. O’r galwad agored hwn, caiff rhestr fer o gynigion ei chyflwyno i’r  gymuned er mwyn pleidleisio ar y cysyniad y maen nhw eisiau ei weld.

Caiff y rhestr fer ei dewis gan staff SPAN a’r gymuned. Os caiff eich cynnig chi ei ddewis i fynd i’r bleidlais gyhoeddus, cewch chi’ch cefnogi gan dîm SPAN i ddatblygu adnoddau gweledol i’w gweld gan y cyhoedd. Cynhelir y bleidlais gyhoeddus ar-lein ac mewn cyfres o ddigwyddiadau cymunedol dros dro yn Hwlffordd.

Yna, caiff yr artist a ddewisir ei gomisiynu i weithio ochr yn ochr â SPAN i ddylunio, gwneud a thrin y llusernau fel rhan o’r parêd.

Disgwylir i’r artist arweiniol fod yn rhan o’r cyfarfodydd cynllunio a chwarae rhan weithgar gyda chydweithredwyr creadigol y digwyddiad megis perfformwyr, gwneuthurwyr ffilmiau, cerddorion a chynllunwyr goleuadau.

Yr hyn mae’n rhaid i’ch cyflwyniad ei gynnwys:

Cyflwyniad: 

Cyflwyniad 50 gair a ddefnyddir ar gyfer y bleidlais gyhoeddus os ar  y rhestr fer.

Cysyniad:

Disgrifiad hirach o’r cysyniad gweledol yn gyffredinol a sut mae’n cysylltu â’r thema Noson  Galan Gaeaf/Samhain, y gwyliau Cymreig a Cheltaidd sy’n nodi dechrau’r gaeaf, neu stori a fydd yn rhoi gwybodaeth i farchnata, hyrwyddo, a steil ehangach y digwyddiad. Caiff hwn ei ddefnyddio yn y broses o greu rhestr fer. Rydym yn gobeithio y bydd gan y syniadau berthnasedd byd-eang neu ehangach ac y bydd ganddynt adlewyrchiad lleol cryf gyda’r bobl a’r lle.

Y Gweledol: 

Cysyniad gweledol ar gyfer y llusernau/pypedau mawr a fydd yn ffurfio canolbwynt y parêd ei hun. Mae angen i’r dyluniad fod yn ymarferol ac yn gyraeddadwy, ac fe’i crëir a’i drin yn ystod y parêd gan yr artist a ddewisir fel rhan o’r comisiwn. Gallai’r rhain fod yn frasluniau, ffotograffau neu’n fwrdd syniadau, a defnyddir y delweddau hyn fel rhan o broses pleidleisio cyhoeddus os ar y rhestr fer.

Bywgraffiad:

Bywgraffiad byr o’ch profiad o gyflwyno gwaith ar y raddfa hon. Bydd hyn yn cael ei ddefnyddio i gefnogi’r rhestru byr ac fel rhan o’r bleidlais gyhoeddus.

Gallai’r cynnig hefyd gynnwys:

Dyluniad syml a all gael ei atgynhyrchu ar gyfer llusern llaw a all gael ei wneud gan y gymuned mewn gweithdai cyn y parêd ei hun. Bydd cyflwyno gweithdai gwneud llusernau sydd wedi’u canolbwyntio ar y gymuned yn rhan o gomisiwn a gaiff ei dalu ar wahân.

Ysbrydoliaeth neu awgrymiadau ar gyfer perfformiad sy’n defnyddio goleuni fel diweddglo i’r parêd cymunedol. Bydd y perfformiad hwn yn rhan o gomisiwn a gaiff ei dalu ar wahân.

Cyllideb:  

Cyfanswm y comisiwn ar gyfer dylunio, gwneud, a thrin  y llusernau/pypedau mawr, gan gynnwys yr holl ddefnyddiau, cludiant, a ffi yw £2,000.

Amserlen:

Dyddiad Cau’r alwad : Mai 16eg

Cadarnhau’r rhestr fer – wythnos yn cychwyn Mai 25ain

Pleidlais gyhoeddus: wythnos yn cychwyn Mehefin 1af ac yn agor am 3 wythnos, pleidlais yn cau Mehefin 22ain

Dyfarnu’r comisiwn: wythnos yn cychwyn Mehefin 29ain

Cyfnod creu llusernau/pypedau: Gorffennaf – Hydref

Digwyddiad parêd: Dydd Gwener Hydref 30ain

Sut i gyflwyno:

E-bostiwch eich cynnig ysgrifenedig a delweddau i’w gefnogi i info@span-arts.org.uk

Fformatau amgen: os byddai’n fwy hygyrch gallwch gyflwyno fideo gyda delweddau cynorthwyol, e-bostiwch y ffeil fideo i info@span-arts.org.uk.

Os oes gennych unrhyw gwestiynau ynglŷn â’ch cyflwyniad, cysylltwch â Bethan Morgan, Cynhyrchydd Cymunedol, yn info@span-arts.org.uk.  

Gwybodaeth ychwanegol:

Mae llwybr y parêd yn cael ei gwblhau’n awr mewn cytundeb â Chyngor Sir Penfro. Bydd yn teithio trwy strydoedd canol Hwlffordd ac efallai y bydd yn cynnwys rhannau lle mae uchder neu led yn gyfyngedig.

Mae’r parêd yn ddigwyddiad awyr agored, ac mae angen i’r pypedau allu goroesi tywydd drwg posibl gan gynnwys gwynt a glaw.

Ariennir y Parêd Llusernau gan Lywodraeth y DU a’i bweru gan Ffyniant Bro.

Nid oes lle ar gael i greu a storio yng nghanol y dref felly rhaid creu’r llusernau/pypedau mawr ar safle gwahanol a’u cludo i ac o’r dref ar ddiwrnod y parêd.