Galw am Artistiaid: Trawsffurfio Cynwysyddion Cludo gydag Ysgol Gymunedol Prendergast

Mae Celfyddydau SPAN yn chwilio am artist talentog sydd â phrofiad mewn prosiectau paentio ar raddfa fawr i gydweithio gyda disgyblion Ysgol Gymunedol Prendergast, Hwlffordd. Bydd y prosiect cyffrous hwn yn trawsnewid dau gynhwysydd cludo – a ddefnyddir fel Bocs Bwyd a Siop Ddillad Ail-law – yn weithiau celf bywiog, wedi’u cyd-greu gyda’r disgyblion.

Manylion y Prosiect

Gweithdy Dylunio: 1 diwrnod yn Ionawr 2025 (sesiwn yn yr ysgol)
Diwrnodau Peintio Awyr Agored: 5 diwrnod ar ddechrau Mawrth 2025 (gyda disgyblion)
Cynllunio a Pharatoi: 1 diwrnod
Ffi: £250/y dydd (£1,750 – cyfanswm) a chostau teithio
Deunyddiau: Darperir cyllideb ar wahân

Yr hyn yr ydym yn chwilio amdano

Artist profiadol sy’n mwynhau cydweithio â phobl ifanc gan ysbrydoli creadigrwydd, a dod â syniadau ar raddfa fawr yn fyw.

Sut i ymgeisio

Anfonwch y canlynol i production@span-arts.org.uk erbyn 5pm, Ddydd Iau Rhagfyr 12fed.:

Llythyr eglurhaol (dim mwy nag un ochr A4) yn amlinellu’ch profiad perthnasol

Eich CV.

Delweddau neu ddolenni i enghreifftiau o’ch gwaith.

Fel arall, gallwch gyflwyno recordiad sain neu fideo 5 munud gyda’r un wybodaeth.

Rhaid i bob ymgeisydd fod â gwiriad DBS cyfredol. Byddwn yn cydnabod pob cais, ac os oes gennych unrhyw gwestiynau, mae croeso i chi gysylltu â ni ar y cyfeiriad e-bost uchod neu ffoniwch 01834 869323.

Ymunwch â ni i greu rhywbeth anhygoel i’r gymuned!

Amdanom Ni

Mae Celfyddydau SPAN Arts yn elusen wedi’i lleoli Sir Benfro sy’n ymroddedig i ddefnyddio’r celfyddydau i sbarduno newid cymdeithasol yng nghefn gwlad Gorllewin Cymru. Rydym yn cydweithio gydag artistiaid a chymunedau lleol i greu profiadau sy’n cyfoethogi’n ddiwylliannol ac yn meithrin gwytnwch. Arweinir ein gwaith gan gyd-greu, gan sicrhau bod ein prosiectau’n berthnasol ac yn effeithiol yn lleol ac yn fyd-eang fel ei gilydd.